ಸಮುದ್ರದ ಅಲೆಗೆ ಮೀನಿನ ಬಲೆ, ಸಾಮಗ್ರಿ ಸಮುದ್ರ ಪಾಲು

ಉಳ್ಳಾಲ: ದೋಣಿಯಲ್ಲಿ ಮೀನುಗಾರಿಕೆ ನಡೆಸುತ್ತಿದ್ದ ಸಂದರ್ಭದಲ್ಲಿ ಮೀನಿನ ಬಲೆ ಹಾಗೂ ದೋಣಿಯಲ್ಲಿದ್ದ ಮೀನುಗಾರಿಕಾ ಸಾಮಾಗ್ರಿಗಳು ಸಮುದ್ರ ಪಾಲಾದ ಘಟನೆ ಉಳ್ಳಾಲ ಅಳಿವೆ ಬಾಗಿಲು ಬಳಿ ನಡೆದಿದೆ.

ಬುಶ್ರಾ ರವರ ಮಾಲೀಕತ್ವದ ಗಿಲ್ ನೆಟ್ ದೋಣಿಯಲ್ಲಿ ಅವರ ಪತಿ ಕೋಡಿ ನಿವಾಸಿ ಇಸ್ಮಾಯಿಲ್, ಇಬ್ರಾಹಿಂ ಹಾಗೂ ಹಸನ್ ಎಂಬವರು ಮೀನುಗಾರಿಕೆ ಗೆಂದು ಉಳ್ಳಾಲ ಕೋಟೆಪುರ ಕೋಡಿಯಿಂದ ಅಳಿವೆಬಾಗಿಲು ಮೂಲಕ ತೆರಳಿದ್ದರು. ಅಳಿವೆ ಬಾಗಿಲಿನಿಂದ ಸುಮಾರು 15 ನಾಟಿಕಲ್ ದೂರದಲ್ಲಿ ಮೀನುಗಾರಿಕೆ ನಡೆಸುತ್ತಿದ್ದ ವೇಳೆ  ಮೀನುಗಾರಿಕೆ ನಡೆಸಲು ಹಾಕಿದ ಬಲೆ,

ರೋಪ್ ಮತ್ತು ಬೋಯ್ ಗಳು ಸಮುದ್ರ ಪಾಲಾಗಿವೆ. ಇದನ್ನು ಟ್ರಾಲರ್ ಬೋಟು ಎಳೆದು ಕೊಂಡು ಹೋಗಿದ್ದು, ಇದರಿಂದ 1,75,000 ನಷ್ಟ ಸಂಭವಿಸಿರಬೇಕು ಎಂದು ಅಂದಾಜಿಸಲಾಗಿದೆ.ಈ ಬಗೆ ಮಂಗಳೂರು ಕರಾವಳಿ ಕಾವಲು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.