ಮರು ಮತ ಎಣಿಕೆ: ಸೋತ ಅಭ್ಯರ್ಥಿಗೆ ಗೆಲುವು

ಕುಂದಾಪುರ: ಕೋಟ ಸಹಕಾರಿ ವ್ಯವಸಾಯಿಕ ಸಂಘದ ಆಡಳಿತ ಮಂಡಳಿಯ ಚುನಾವಣೆ ಜ.19 ರಂದು ನಡೆದಿದ್ದು, ಕಾಂಗ್ರೆಸ್ ಬೆಂಬಲಿತ ಸಹಕಾರಿ ಮಿತ್ರರು ತಂಡ ಮಹಿಳಾ ಮೀಸಲು ಕ್ಷೇತ್ರದಿಂದ ಚುನಾವಣೆಗೆ ಸ್ಪರ್ಧಿಸಿದ ಪ್ರೇಮಾ ಗಣೇಶ್ ಅವರು ಕೇವಲ ಒಂದು ಮತದಿಂದ ಸೋಲನ್ನಪ್ಪಿದ್ದರು.

ಸೋತ ಅಭ್ಯರ್ಥಿ ಮರು ಮತ ಎಣಿಕೆಗೆ ಕುಂದಾಪುರ ಸಹಕಾರ ಸಂಘಗಳ ಸಹಾಯಕ ನೊಂದನಾಧಿಕಾರಿ ಕೋರ್ಟ್‌ನಲ್ಲಿ ದಾವೆ ದಾಖಲಿಸಿದ್ದರು. ಅದರಂತೆ 6 ತಿಂಗಳ ವಿಚಾರಣೆ ಬಳಿಕ ಉಚ್ಚ ನ್ಯಾಯಾಲಯ ಮರು ಮತ ಎಣಿಕೆಗೆ ಆದೇಶ ನೀಡಿತ್ತು. ಮರು ಮತ ಎಣಿಕೆಯ ವಿರುದ್ಧ ಬಿಜೆಪಿ ಪ್ರತಿಭಟಿಸಿತ್ತು. ಅದರಂತೆ ಜೂ.29 ರಂದು ಬೆಳಗ್ಗೆ ಮರು ಮತ ಎಣಿಕೆ ನಡೆದಿರುತ್ತದೆ.

ಅದರಲ್ಲಿ ಪ್ರತಿಸ್ಪರ್ಧಿ ಬೆಜೆಪಿ ಬೆಂಬಲಿತ ಅಭ್ಯರ್ಥಿ ಉಮಾ ಗಾಣಿಗ 2897 ಮತ ಗಳಿಸಿದ್ದು, ಇವರ ವಿರುದ್ಧ ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿ ಪ್ರೇಮಾ ಗಣೇಶ್ 2905 ಮತಗಳನ್ನು ಗಳಿಸಿ 8 ಮತಗಳ ಅಂತರದಿಂದ ಜಯ ಗಳಿರುತ್ತಾರೆ.

ಜಯಗಳಿದ ಅಭ್ಯರ್ಥಿ ಪ್ರೇಮಾ ಗಣೇಶ್ ಅವರಿಗೆ ಕೋಟ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಶಂಕರ್ ಕುಂದರ್, ದಿನೇಶ್ ಹೆಗ್ಡೆ ಮೊಳಹಳ್ಳಿ, ಹಾಗೂ ಸಹಕಾರಿ ಮಿತ್ರ ತಂಡ ಮತ್ತು ಕಾಂಗ್ರೆಸ್ ಕಾರ್ಯಕರ್ತರು ಅಭಿನಂದನೆ ಸಲ್ಲಿಸಿದ್ದಾರೆ.