ಮೂಡುಬಿದಿರೆ ಮೂಲದ ಬಿಷಪ್ ಮೈಸೂರು ಧಮ೯ಪ್ರಾಂತ್ಯದ ನೂತನ ಬಿಷಪ್ ಆಗಿ ನೇಮಕ

ಮೂಡುಬಿದಿರೆ: ಮೂಡುಬಿದಿರೆ ಮೂಲದ ಬಿಷಪ್ ಫ್ರಾನ್ಸಿಸ್ ಸೆರಾವೋ, ಎಸ್.ಜೆ. (66) ಅವರನ್ನು ಮೈಸೂರು ಧರ್ಮಪ್ರಾಂತ್ಯದ ನೂತನ ಬಿಷಪ್ ಆಗಿ ಪೋಪ್ 14ನೇ ಲಿಯೋ ಅವರು ನೇಮಿಸಿದ್ದಾರೆ. 

ಆಗಸ್ಟ್ 15 ರಂದು ಘೋಷಿಸಲಾದ ಈ ನೇಮಕಾತಿಯು ಬಿಷಪ್ ಸೆರಾವೋ ಅವರು ಶಿವಮೊಗ್ಗ ಧರ್ಮಪ್ರಾಂತ್ಯದ ಬಿಷಪ್ ಆಗಿ ಸೇವೆ ಸಲ್ಲಿಸುತ್ತಿರುವಾಗ ಬಂದಿದೆ.

ಬಿಷಪ್ ಫ್ರಾನ್ಸಿಸ್ ಸೆರಾವೋ ಅವರು ಮೈಸೂರು ಧರ್ಮಪ್ರಾಂತ್ಯದ ಒಂಬತ್ತನೇ ಬಿಷಪ್ ಆಗಿದ್ದಾರೆ. ಮೈಸೂರು ಡಯಾಸಿಸ್ ಮೈಸೂರು, ಮಂಡ್ಯ, ಕೊಡಗು ಮತ್ತು ಚಾಮರಾಜನಗರ ಜಿಲ್ಲೆಗಳನ್ನು ಒಳಗೊಂಡಿದೆ.  ಇದು 1,34,000 ಕ್ಯಾಥೋಲಿಕ್ ಜನಸಂಖ್ಯೆಯನ್ನು ಹೊಂದಿದ್ದು, 93 ಚರ್ಚ್, 140 ಡಯೋಸಿಸನ್‌ ಯಾಜಕರು, 108 ಧಾರ್ಮಿಕ ಯಾಜಕರು ಮತ್ತು 893 ಧಾರ್ಮಿಕ ಸಹೋದರಿಯರನ್ನು ಹೊಂದಿದೆ.