ಸಂತ ಫಿಲೋಮಿನಾ ಕಾಲೇಜಿ ವಿಜ್ಞಾನ ವೇದಿಕೆ ಉದ್ಘಾಟನಾ ಸಮಾರಂಭ-2025-26

ಪುತ್ತೂರು: ಶೈಕ್ಷಣಿಕ ಶ್ರೇಷ್ಠತೆಯ ಹಾದಿಯಲ್ಲಿ ಮತ್ತೊಂದು ಮಹತ್ವದ ಹೆಜ್ಜೆಯಾಗಿ, ಸಂತ ಫಿಲೋಮಿನಾ ಕಾಲೇಜು ಸ್ವಾಯತ್ತ ಪದವಿ ಮಹಾವಿದ್ಯಾಲಯವು 2025-26ನೇ ಸಾಲಿನವಿಜ್ಞಾನ ವೇದಿಕೆಯನ್ನು ಆ.25 ರಂದು ಉದ್ಘಾಟಿಸಿತು. 

ಈ ವೇದಿಕೆ ವಿದ್ಯಾರ್ಥಿಗಳಲ್ಲಿ ವೈಜ್ಞಾನಿಕ ಮನೋಭಾವವನ್ನು ಬೆಳೆಸಲು ಮತ್ತು ನವೀನ ಚಿಂತನೆಗೆ ಪ್ರೋತ್ಸಾಹ ನೀಡಲು ರೂಪಿಸಲಾಗಿದೆ.

ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದ ಕಾಲೇಜಿನ ಪ್ರಾಂಶುಪಾಲರಾದ ವಂ. ಡಾ. ಆಂಟನಿ ಪ್ರಕಾಶ್ ಮೊಂತೇರೊ ಮಾತನಾಡಿ, ಅಲ್ಬರ್ಟ್ ಐನ್ಸ್ಟೈನ್ ಅವರ ಮಾತುಗಳನ್ನು ಉಲ್ಲೇಖಿಸುವುದರಿಂದ ಆರಂಭಿಸಿ, ಪ್ರತಿಯೊಬ್ಬ ವ್ಯಕ್ತಿಯೂ ಬುದ್ಧಿವಂತ, ಆದರೆ ಕೇವಲ ಬುದ್ಧಿಮತ್ತೆ ಯೇಸಾಕಾಗುವುದಿಲ್ಲ ಎಂದು ಹೇಳಿದರು.

ಜ್ಞಾನವನ್ನು ಪರಿಣಾಮಕಾರಿ ರೀತಿಯಲ್ಲಿ ಬಳಸುವುದು ಹಾಗೂ ಉತ್ಪಾದಕತೆಯ ಕಡೆಗೆ ದಾರಿ ಮಾಡಿಕೊಡುವುದು ಅತ್ಯಗತ್ಯವೆಂದರು.

ವಿದ್ಯಾರ್ಥಿಗಳು ಚರ್ಚೆ, ವಾದ-ಪ್ರತಿವಾದ, ಸಂಶೋಧನಾ ಲೇಖನ ಬರೆಯುವುದು, ತಮ್ಮ ಆಲೋಚನೆಗಳನ್ನು ಆತ್ಮವಿಶ್ವಾಸದಿಂದ ಹಂಚಿಕೊಳ್ಳುವುದು ಇತ್ಯಾದಿ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಬೇಕು ಎಂದು ಪ್ರೇರೇಪಿಸಿದರು.

ಸಮಾರಂಭದ ಮುಖ್ಯ ಅತಿಥಿಯಾಗಿ ಮೈಸೂರು ಮಹಾರಾಣಿ ಸೈಮ್ಸ್ ಕಾಲೇಜಿನ ಪ್ರಾಚಾರ್ಯ ಡಾ. ಅಬ್ದುಲ್ ರಹೀಂ ಮಾತನಾಡಿ, ವಿಜ್ಞಾನ ಮನೋಭಾವ ಇಲ್ಲದೆ ಇಂದಿನ ಜಾಗತಿಕ ಸ್ಪರ್ಧಾತ್ಮಕತೆಯಲ್ಲಿ ಯಾವ ದೇಶವೂ ಮುಂದುವರಿಯಲು ಸಾಧ್ಯವಿಲ್ಲವೆಂದು ತಿಳಿಸಿದರು. ನವೀನ ತಂತ್ರಜ್ಞಾನಗಳು ವೇಗವಾಗಿ ಬೆಳೆಯುತ್ತಿರುವ ಈ ಕಾಲದಲ್ಲಿ, ವಿಶ್ಲೇಷಣೆ, ಹೊಸ ಆವಿಷ್ಕಾರ ಮತ್ತುಕಾರ್ಯ ನಿರ್ವಹಣಾ ಸಾಮರ್ಥ್ಯ ಅತ್ಯಗತ್ಯವೆಂದರು.

ವಿಜ್ಞಾನ ವೇದಿಕೆಯ ಸಂಯೋಜಕರು ಮತ್ತು ಆಂತರಿಕ ಗುಣಮಟ್ಟ ಭದ್ರತಾ ಕೋಶದ ಸಂಯೋಜಕರಾದ ಡಾ. ಎಡ್ವಿನ್ಡಿ’ಸೋಜಾ, ಡೀನ್ ಆಫ್ಸೈನ್ಸ್ಡಾ. ಮಾಲಿನಿ ಕೆ. ಹಾಗೂ ಎಲ್ಲಾ ವಿಜ್ಞಾನ ವಿಭಾಗದ ಅಧ್ಯಾಪಕರು, ಸುಮಾರು 150 ವಿದ್ಯಾರ್ಥಿಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದರು.