ಅಂಗಡಿಯಿಂದ ಅಪಾರ ಸೊತ್ತು ಕಳವು

ಬಂಟ್ವಾಳ: ಇಲ್ಲಿನ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯ ಪಂಜಿಕಲ್ಲು ಗ್ರಾಮದ ಬಂಡಸಾಲೆ ಎಂಬಲ್ಲಿ ಹೋಲ್ ಸೇಲ್  ಅಂಗಡಿಯೊಂದರ ಶಟರ್ ನ ಬೀಗ ಮುರಿದು ಒಳಪ್ರವೇಶಿಸಿ ನಗದು ಹಾಗೂ ಕೆಲ ಸೊತ್ತುಗಳನ್ನು ಕಳವುಗೈದ ಘಟನೆ ನಡೆದಿದೆ.

ಇಲ್ಲಿನ ಜೇಸಿಂತಾ ಲೋಬೊ (63) ಅವರಿಗೆ ಸೇರಿದ ಹೋಲ್  ಸೇಲ್  ಅಂಗಡಿಯಲ್ಲಿ ಈ ಕಳವು ನಡೆದಿದೆ. ಎಂದಿನಂತೆ ರಾತ್ರಿ   ಅಂಗಡಿ ಮುಚ್ಚಿ ಮನೆಗೆ ಹೋಗಿದ್ದು,   ಬೆಳಿಗ್ಗೆ ಸ್ಥಳೀಯರೋರ್ವರು ನೀಡಿದ ಮಾಹಿತಿಯನ್ವಯ ಅಂಗಡಿಗೆ ಬಂದು ನೋಡಿದಾಗ ಅಂಗಡಿಯ ಶಟರ್ ತೆರದುಕೊಂಡ ಸ್ಥಿತಿಯಲ್ಲಿ ಕಂಡುಬಂದಿದೆ. 

ಕಳ್ಲಕರು ಅಂಗಡಿಯ ಒಳನುಗ್ಗಿ ಡ್ರಾಯರ್ ನಲ್ಲಿದ್ದ ನಗದು 8 ಸಾ.ರೂ.,  ಹಳೆಯ ಬ್ಯಾಗ್-2,  ಕಿಪ್ಯಾಡ್ ಮೊಬೈಲ್ -01,  ಹೆಸರು ಬೇಳೆ 2 ಕೆಜಿ, ಡೌವ್ ಸಾಬುನುಗಳನ್ನು ಕಳವುಗೈದು ಪರಾರಿಯಾಗಿದ್ದಾರೆ.

ಕಳವಾದ ಒಟ್ಟು ಸೊತ್ತುಗಳ ಮೌಲ್ಯ ರೂ ಒಟ್ಟು 9,575 ಎಂದು ಅಂದಾಜಿಸಲಾಗಿದೆ. ಈ ಬಗ್ಗೆ ಬಂಟ್ವಾಳ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿ ಮುಂದಿನ ತನಿಖೆ ನಡೆಯುತ್ತಿದೆ.