‘ಡ್ರಗ್ಸ್ರ್ದ್ ದೂರ ಇತ್ತ್ಂಡ ಜೀವನ ಪೊರ್ಲು ಆಪುಂಡು’: ಸುಧೀರ್ ಕುಮಾರ್ ರೆಡ್ಡಿ

ಮಂಗಳೂರು: ಮಂಗಳೂರು ಕಮಿಷನರೇಟ್ ವ್ಯಾಪ್ತಿಯಲ್ಲಿ ಮಾದಕ ವಿರುದ್ಧ ಜಾಗೃತಿ ಅಭಿಯಾನ ಹಮ್ಮಿಕೊಳ್ಳಲಾದಿದ್ದು, ಇದಕ್ಕೆ ಪೂರಕವಾಗಿ ನಗರ ಪೊಲೀಸ್ ಕಮಿಷನರ್ ಸುಧೀರ್ ಕುಮಾರ್ ರೆಡ್ಡಿ ಅವರು ತುಳುವಿನಲ್ಲೇ ಡ್ರಗ್ಸ್ ವಿರುದ್ಧ ಜಾಗೃತಿ ಸಂದೇಶವನ್ನು ಹಾಕುವ ಮೂಲಕ ಗಮನಸೆಳೆದಿದ್ದಾರೆ.

ಸುಧೀರ್ ಕುಮಾರ್ ರೆಡ್ಡಿ ಅವರು ಮೂಲತಃ ಆಂಧ್ರಪ್ರದೇಶದವರಾಗಿದ್ದು, ಜಿಲ್ಲೆಗೆ ಈ ಹಿಂದೆ ಎಸ್ಪಿಯಾಗಿ ಆಗಮಿಸಿದ್ದರು. ಮಂಗಳೂರು ನಗರ ಪೊಲೀಸ್ ಕಮಿಷನರ್ ಆಗಿ ಅಧಿಕಾರ ಸ್ವೀಕರಿಸಿದ ಬಳಿಕ ಸ್ಥಳೀಯ ಭಾಷೆಯಾದ ತುಳು ಕಲಿಕೆಗೆ ಸಿಬ್ಬಂದಿಗಳಿಗೆ ಪ್ರೇರಣೆ ನೀಡುತ್ತಿದ್ದಲ್ಲದೆ, ಇದಕ್ಕೆ ಪೂರಕವಾಗಿ ತಾನೂ ಕೂಡಾ ತುಳು ಭಾಷೆ ಕಲಿತು ಮಾದರಿಯಾಗಿದ್ದಾರೆ.

ಡ್ರಗ್ಸ್ ವಿರುದ್ಧ ಜಾಗೃತಿ ಸಂದೇಶದಲ್ಲಿ  ಪೊಲೀಸ್ ಕಮಿಷನರ್ ಅವರು ‘ಮಾತೆರೆಗ್ಲ ನಮಸ್ಕಾರ, ಕುಡ್ಲದ ಜವನ್ಯೆರ್, ಮೂಲು ನಡಪುನ ಕ್ರೈಮ್ಡ್ ಇನ್ವಾಲ್ಮೆಂಟ್ ಆಯಿನ ಹೆಚ್ಚಿನಕುಲು ಡ್ರಗ್ಸ್ ಇನ್ಪ್ಲೂಯೆನ್ಸ್ ಕ್ರೈಮ್ ಮಲ್ತೊಂದುಲ್ಲೆರ್. ಡ್ರಗ್ಸ್ರ್ದ್ ದೂರ ಇತ್ತ್ಂಡ ಜೀವನ ಪೊರ್ಲು ಆಪುಂಡು, ಇಲ್ಲ್-ಸಂಬಂಧ ಒರಿವುಂಡು, ಸಮಾಜೊಗ್ಲ ಎಡ್ಡೆ ಆಪುಂಡು. ಈ ಡ್ರಗ್ಸ್ ವಿರುದ್ಧ ಹೋರಾಟಗ್ ಮಾತೆರ್ಲ ಕೈ ಜೋಡಿಸಾಲೆ ಸೊಲ್ಮೆಲು’ ಎಂದು ಹೇಳಿದ್ದಾರೆ.