
500 ರೂ. ಮುಖಬೆಲೆಯ 100 ನೋಟಿನ ಕಟ್ಟು ಕಳವು
ಬಂಟ್ವಾಳ: ಕಸ್ಬಾ ಗ್ರಾಮದ ಅಂತರ ಮಣಿಗುತ್ತು ಎಂಬಲ್ಲಿನ ಮನೆಯೊಂದರಿಂದ ನಗದು ಹಣವನ್ನು ಕಳವುಗೈದ ಘಟನೆ ಸಂಭವಿಸಿದೆ.
ಇಲ್ಲಿನ ಪೂರ್ಣಿಮಾ ಎಂಬವರ ಮನೆಯಲ್ಲಿ ಈ ಕಳವು ಕೃತ್ಯ ನಡೆದಿದ್ದು, 500 ಮುಖಬೆಲೆ 100 ನೋಟಿನ ಕಟ್ಟನ್ನು ಅಪರಿಚಿತನೋರ್ವ ಕಳವುಗೈದು ಪರಾರಿಯಾಗಿದ್ದಾನೆ ಎಂದು ಬಂಟ್ವಾಳ ನಗರ ಠಾಣೆಗೆ ನೀಡಿದ ದೂರಿನಲ್ಲಿ ತಿಳಿಸಲಾಗಿದೆ.
ಇವರು ಶನಿವಾರ ಸಂಜೆ ಬಾಗಿಲು ಹಾಕಿ ತೋಟಕ್ಕೆ ಹೋಗಿದ್ದ ಸಮಯ ಮನೆ ಬಳಿ ನಾಯಿಗಳು ಜೋರಾಗಿ ಬೊಗಳುವ ಶಬ್ದ ಕೇಳಿದ್ದು, ಆಗ ಇವರು ತನ್ನ ಜೊತೆಯಲ್ಲಿದ್ದ ಧನುಷ್ ಎಂಬವರನ್ನು ಮನೆಯತ್ತ ಕಳಿಸಿದ್ದು, ಈ ಸಂದರ್ಭ ಅಪರಿಚಿತ ವ್ಯಕ್ತಿಯೋರ್ವ ಮನೆಯೊಳಗಿನಿಂದ ಪ್ಲಾಸ್ಟಿಕ್ ಬಾಕ್ಸ್ವನ್ನು ಹಿಡಿದುಕೊಂಡು ಓಡುತ್ತಿರುವುದು ಕಂಡು ಬಂದಿದೆ.
ಓಡುವ ಭರದಲ್ಲಿ ಅಪರಿಚಿತನ ಕೈಯಲ್ಲಿದ್ದ 4 ಕಟ್ಟುಗಳು ನೆಲಕ್ಕೆ ಬಿದ್ದಿದ್ದು, ಆಗ ಅಪರಿಚಿತ 1 ಕಟ್ಟನ್ನು ಹೆಕ್ಕಿಕೊಂಡು ಪರಾರೊಯಾಗಿರುತ್ತಾನೆ. ಈ ಸಮಯ ಧನುಷನು ಬೊಬ್ಬೆ ಕೇಳಿ ತೋಟದಲ್ಲಿದ್ದ ಪೂರ್ಣಿಮಾ ಮತ್ತು ಲಿಖಿತೇಶ್ ರವರು ಸ್ಥಳಕ್ಕಾಗಮಿಸಿದ್ದು, ಕಂಡು ಓಡುವಾಗ ಪ್ಲಾಸ್ಟಿಕ್ ಬಾಕ್ಸ್ನಲ್ಲಿದ್ದ ನೋಟಿನ ಕಟ್ಟು ನೆಲಕ್ಕೆ ಬಿದ್ದಿದ್ದು ಮನೆಯೊಳಗೆ ನೋಡಿದಾಗ ಮಲಗುವ ಕೋಣೆಯಲ್ಲಿ ಸೆಲ್ಪ್ನ ಮೇಲೆ ಕಬ್ಬಿಣದ ಟ್ರಂಕ್ನಲ್ಲಿ ಪ್ಲಾಸ್ಟಿಕ್ ಬಾಕ್ಸ್ನಲ್ಲಿರಿಸಿದ್ದ ಪೂರ್ಣಿಮರ ಗಂಡ ವಾಹನ ಅಪಘಾತದಲ್ಲಿ ಮೃತ ಪಟ್ಟಿದ್ದು, ಇದರ ಪ್ರಯುಕ್ತ ಇನ್ಯೂರೆನ್ಸ್ ಹಣ ಹಾಗೂ ಮನೆಯಲ್ಲಿ ಅಡಿಕೆ ಮಾರಾಟ ಮಾಡಿ ತಂದು ಇಟ್ಟಿದ್ದ 500 ರೂ. ಮುಖಬೆಲೆಯ ತಲಾ 100 ನೋಟು ಇರುವ ೪ ಕಟ್ಟುಗಳು ಕಳವಾಗಿರುವುದು ಕಂಡು ಬಂದಿದೆ. ಈ ಪೈಕಿ 500 ರೂ. ಮುಖಬೆಲೆಯ ತಲಾ 100 ನೋಟು ಕಳವಾಗಿರುವ ಬಗ್ಗೆ ಬಂಟ್ವಾಳ ನಗರ ಪೊಲೀಸ್ ಠಾಣಾ ಪ್ರಕರಣ ದಾಖಲಾಗಿರುತ್ತದೆ.