ಕರ್ನಾಟಕದ ಈಶ ಗ್ರಾಮೋತ್ಸವದಿಂದ ಗ್ರಾಮೀಣ ಕ್ರೀಡಾಕೂಟ
ಉಜಿರೆ: ಹಬ್ಬದ ಸಂಭ್ರಮದಲ್ಲಿ ನಡೆದ ವಿಭಾಗೀಯ ಮಟ್ಟದ ಪಂದ್ಯಗಳು, ತುಳುನಾಡಿನ ಸಾಂಸ್ಕೃತಿಕ ಕಾರ್ಯಕ್ರಮಗಳು ಮತ್ತು ಸಾಂಪ್ರದಾಯಿಕ ಆಟಗಳು ಸಂದರ್ಶಕರನ್ನು ಆಕರ್ಷಿಸಿದರು.
ಉಜಿರೆಯ ರತ್ನವರ್ಮ ಕ್ರೀಡಾಂಗಣದಲ್ಲಿ ಡಿ.8 ರಂದು 16ನೇ ಈಶ ಗ್ರಾಮೋತ್ಸವದ ವಿಭಾಗೀಯ ಪಂದ್ಯಗಳು ಅಸಾಧಾರಣ ಕೌಶಲ್ಯ ಮತ್ತು ಗ್ರಾಮೀಣ ಕ್ರೀಡಾ ಮನೋಭಾವದ ಪ್ರದರ್ಶನದಲ್ಲಿ ತೆರೆದುಕೊಂಡವು. ತೀವ್ರ ಪೈಪೋಟಿಗೆ ವೇದಿಕೆ ಕಲ್ಪಿಸಿದ ರೋಮಾಂಚಕ ಕ್ಲಸ್ಟರ್-ಮಟ್ಟದ ಪಂದ್ಯಗಳ ಸರಣಿಯ ನಂತರ, ಕ್ಲಸ್ಟರ್ಗಳಿಂದ ವಿಜೇತ ಮತ್ತು ರನ್ನರ್-ಅಪ್ ತಂಡಗಳು ತೀವ್ರವಾದ ಪುರುಷರ ವಾಲಿಬಾಲ್ ಸ್ಪರ್ಧೆಗಳು ನಡೆದವು.
ಪಂದ್ಯಾವಳಿಯು 16 ತಂಡಗಳು ಮತ್ತು 130 ಪ್ರತಿಭಾವಂತ ಆಟಗಾರರಿದ್ದರು. ಜಿದ್ದಾಜಿದ್ದಿನ ಪಂದ್ಯಗಳ ನಂತರ ಚಿಕ್ಕಮಗಳೂರಿನ ಅಲೀಫ್ ಸ್ಟಾರ್ ತಂಡವು ಉಡುಪಿಯ ಪಲ್ಲಿ ಗೆಳೆಯರ ತಂಡವನ್ನು ಸೋಲಿಸಿ ವಿಭಾಗೀಯ ಸುತ್ತಿನಲ್ಲಿ ಜಯಗಳಿಸಿತು.
2004ರಲ್ಲಿ ಸದ್ಗುರುಗಳು ಪ್ರಾರಂಭಿಸಿದ ಈಶ ಗ್ರಾಮೋತ್ಸವವು ಗ್ರಾಮೀಣ ಜನರ ಜೀವನದಲ್ಲಿ ಕ್ರೀಡೆ ಮತ್ತು ಆಟದ ಸ್ಫೂರ್ತಿಯನ್ನು ತರುವ ವಿಶಿಷ್ಟ ಸಾಮಾಜಿಕ ಉಪಕ್ರಮವಾಗಿದೆ. ವೃತ್ತಿಪರರಿಗೆ ಅವಕಾಶವಿರದ ಈಶ ಗ್ರಾಮೋತ್ಸವವು ತನ್ನದೇ ಆದ ವಿಶಿಷ್ಟ ಮಾದರಿಯಲ್ಲಿ, ದಿನಗೂಲಿ ಕಾರ್ಮಿಕರು, ಮೀನುಗಾರರು ಮತ್ತು ಗೃಹಿಣಿಯರು ಸೇರಿದಂತೆ ಸಾಮಾನ್ಯ ಗ್ರಾಮೀಣ ಜನರು ತಮ್ಮ ದೈನಂದಿನ ಕೆಲಸದಿಂದ ದೂರ ಸರಿದು ಕ್ರೀಡೆಯ ಸಂಭ್ರಮ ಮತ್ತು ಒಗ್ಗಟ್ಟಿನ ಶಕ್ತಿಯನ್ನು ಆನಂದಿಸಲು ಇದು ಒಂದು ಉತ್ತಮ ಅವಕಾಶ.
ಕೆನರಾ ಇಂಜಿನಿಯರಿಂಗ್ ಕಾಲೇಜಿನ ಪ್ರಾಂಶುಪಾಲ ಡಾ. ನಾಗೇಶ್ ಹೆಚ್.ಆರ್. ಮಾತನಾಡಿ, ಈಶ ಫೌಂಡೇಶನ್ನ ಈ ಉತ್ತಮ ತೊಡಗುವಿಕೆ ಜನರು ದೈಹಿಕವಾಗಿ, ಮಾನಸಿಕವಾಗಿ ಮತ್ತು ಸಾಮಾಜಿಕವಾಗಿ ಸದೃಢರಾಗಲು ಸಹಾಯ ಮಾಡುತ್ತದೆ. ಆಟಗಳನ್ನು ಈಶ ಅವರು ಉತ್ತಮವಾಗಿ ಆಯೋಜಿಸಿದ್ದಾರೆ ಎಂದು ಹೇಳಿದರು.
ಎಂ.ಐ.ಟಿ ಮಾಹೆಯಲ್ಲಿ ಕ್ವಾಲಿಟಿ ಅಶ್ಯೂರೆನ್ಸ್ನ ಸಹಾಯಕ ನಿರ್ದೇಶಕ ಡಾ. ಎಸ್.ವಿ.ಎಸ್.ಆರ್. ಕೃಷ್ಣ ಬಂಡಾರು, ಕೆನರಾ ಕಾಲೇಜ್ ಆಫ್ ಇಂಜಿನಿಯರಿಂಗ್ನ ಪ್ರಾಂಶುಪಾಲ ಡಾ. ನಾಗೇಶ್ ಎಚ್.ಆರ್. ಎನ್ಐಟಿಕೆ ಸುರತ್ಕಲ್ನ ಯೋಜನಾ ಮತ್ತು ಅಭಿವೃದ್ಧಿ ವಿಭಾಗದ ಡೀನ್ ಡಾ. ಗಂಗಾಧರನ್ ಕೆ.ವಿ., ಸಹ್ಯಾದ್ರಿ ಇಂಜಿನಿಯರಿಂಗ್ ಮತ್ತು ಮ್ಯಾನೇಜ್ಮೆಂಟ್ ಕಾಲೇಜಿನ ಡಾ. ಮಂಜುನಾಥ್ ಭಂಡಾರಿ ಮತ್ತು 61ಕೆಜಿ ವೇಟ್ಲಿಫ್ಟಿಂಗ್ ವಿಭಾಗದಲ್ಲಿ ಕಾಮನ್ವೆಲ್ತ್ ಗೇಮ್ಸ್ 2022ರ ಕಂಚಿನ ಪದಕ ವಿಜೇತ ಗುರುರಾಜ್ ಪೂಜಾರಿ ಉಪಸ್ಥಿತರಿದ್ದರು.
