ಎಂಆರ್‌ಪಿಎಲ್ ತನ್ನ ಮೊದಲ ಟೊಲ್ಯೂನ್ ಪಾರ್ಸೆಲ್‌ಗೆ ಚಾಲನೆ
Tuesday, January 21, 2025
ಮಂಗಳೂರು: ಮಂಗಳೂರು ರಿಫೈನರಿ ಮತ್ತು ಪೆಟ್ರೋಕೆಮಿಕಲ್ಸ್ ಲಿಮಿಟೆಡ್ (ಎಂಆರ್‌ಪಿಎಲ್)ನಿಂದ ಟೊಲುಯೆನ್‌ನ ಮೊದಲ ಟ್ರಕ್ ಪಾರ್ಸೆಲ್ ಅನ್ನು ಎಂಆರ್‌ಪಿಎಲ್‌ನ ವ್ಯವಸ್ಥಾಪಕ ನಿರ್ದೇಶಕ ಮುಂಡ್ಕೂರು ಶ್ಯಾಮಪ್ರಸಾದ್ ಕಾಮತ್ ಅವರು ಮಂಗಳೂರು ವಿಶೇಷ ಆರ್ಥಿಕ ವಲಯ ಲಿಮಿಟೆಡ್ (ಎಂಆಸ್‌ಇಝೆಡ್‌ಎಲ್) ವ್ಯಾಪ್ತಿಯಲ್ಲಿರುವ ಆರೊಮ್ಯಾಟಿಕ್ ಕಾಂಪ್ಲೆಕ್ಸ್‌ನಲ್ಲಿ ಚಾಲನೆ ನೀಡಿದರು.
ರಾಸಾಯನಿಕ ಉತ್ಪಾದನೆಯಲ್ಲಿ ಸ್ವಾವಲಂಬನೆ ಸಾಧಿಸುವ ಕಡೆಗೆ ಕಂಪನಿಯ ಪ್ರಯಾಣದಲ್ಲಿ ಎಂಆರ್‌ಪಿಎಲ್‌ನ ಟೊಲುಯೆನ್ ಉತ್ಪನ್ನದ ಬಿಡುಗಡೆಯನ್ನು ಇತ್ತೀಚೆಗೆ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವ ಹರ್ದೀಪ್ ಸಿಂಗ್ ಪುರಿ ಅವರು ತಮ್ಮ ಸಂಸ್ಕರಣಾಗಾರಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ಪ್ರಾರಂಭಿಸಿದರು.
ಟೊಲುಯೆನ್ ಉತ್ಪಾದನೆಗೆ ಎಂಆರ್‌ಪಿಎಲ್ ಪ್ರವೇಶವು ಆಮದುಗಳ ಮೇಲಿನ ಭಾರತದ ಅವಲಂಬನೆಯನ್ನು ಕಡಿಮೆ ಮಾಡುವ ಮತ್ತು ರಾಷ್ಟ್ರದ ಕೈಗಾರಿಕಾ ಮತ್ತು ಆರ್ಥಿಕ ಅಭಿವೃದ್ಧಿಯನ್ನು ಬಲಪಡಿಸುವ ಪ್ರಮುಖ ಕ್ರಮವಾಗಿದೆ. ಇದು ಭಾರತ ಸರ್ಕಾರದ ಆತ್ಮನಿರ್ಭರ ಭಾರತ್ (ಸ್ವಾವಲಂಬಿ ಭಾರತ)ದ ದೃಷ್ಟಿಗೆ ಹೊಂದಿಕೆಯಾಗುತ್ತದೆ ಎಂದು ವ್ಯವಸ್ಥಾಪಕ ನಿರ್ದೇಶಕ ಮುಂಡ್ಕೂರು ಶ್ಯಾಮಪ್ರಸಾದ್ ಕಾಮತ್ ತಿಳಿಸಿದರು.
ನಿರ್ದೇಶಕ ನಂದಕುಮಾರ್ ವೇಲಾಯುಧನ್ ಪಿಳ್ಳೈ (ಸಂಸ್ಕರಣಾಗಾರ), ಕಾರ್ಯನಿರ್ವಾಹಕ ನಿರ್ದೇಶಕ ಬಿಎಚ್‌ವಿ ಪ್ರಸಾದ್, (ಪ್ರಾಜೆಕ್ಟ್ಸ್), ಕಾರ್ಯನಿರ್ವಾಹಕ ನಿರ್ದೇಶಕ ಬಿ.ಎಸ್. ದರ್ಶನ್ (ರಿಫೈನರಿ) ಸಿಎಫ್‌ಒ ಯೋಗೀಶ್ ನಾಯಕ್ ಎಸ್. ಮತ್ತು ಎಂಆರ್‌ಪಿಎಲ್‌ನ ಇತರ ಹಿರಿಯ ಅಧಿಕಾರಿಗಳ ಉಪಸ್ಥಿತರಿದ್ದರು.
