ಮಾ.24ರಿಂದ ಸಹ್ಯಾದ್ರಿಯಲ್ಲಿ ಎಫ್‌ಡಿಪಿ ಕಾರ್ಯಕ್ರಮ
ಮಂಗಳೂರು: ಸಹ್ಯಾದ್ರಿ ಕಾಲೇಜ್ ಆಫ್ ಇಂಜಿನಿಯರಿಂಗ್ ಮತ್ತು ಮ್ಯಾನೇಜ್‌ಮೆಂಟ್‌ವತಿಯಿಂದ ಮಾ.24ರಿಂದ ಮಾ.28ರವರೆಗೆ ಐದು ದಿನಗಳ ಕಾಲ ಫ್ಯಾಕಲ್ಟಿ ಡೆವಲಪ್‌ಮೆಂಟ್(ಎಫ್‌ಡಿಪಿ) ಕಾರ್ಯಕ್ರಮ ಆಯೋಜಿಸಲಾಗಿದೆ.
ಶಿಕ್ಷಣ ಸಚಿವಾಲಯದ ನಾವಿನ್ಯತೆ ಕೋಶ ಮತ್ತು ಭಾರತ ಸರ್ಕಾರದ ಅಖಿಲ ಭಾರತ ತಾಂತ್ರಿಕ ಮಂಡಳಿ ವತಿಯಿಂದ ಈ ಕಾರ್ಯಕ್ರಮ ಆಯೋಜಿಸಲಾಗಿದೆ. ಎಫ್‌ಡಿಪಿ ಆಯೋಜಿಸಲು ಆಯ್ಕೆಯಾದ 50 ಸಂಸ್ಥೆಗಳ ಪೈಕಿ ಸಹ್ಯಾದ್ರಿ ಸಂಸ್ಥೆಯೂ ಒಂದು ಎಂಬುದು ಹೆಮ್ಮೆಯ ವಿಷಯ. ಅತ್ಯಂತ ಅಚ್ಚುಕಟ್ಟಾಗಿ ಕಾರ್ಯಕ್ರಮ ಆಯೋಜಿಸಲು ಸಿದ್ಧತೆ ಮಾಡಲಾಗಿದೆ ಎಂದು ಎಸ್‌ಸಿಇಎಂನ ಸಂಶೋಧನಾ ನಿರ್ದೇಶಕ ಡಾ.ಮಂಜಪ್ಪ ಸಾರಥಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ವಿದ್ಯಾರ್ಥಿಗಳು ಮತ್ತು ಅಧ್ಯಾಪಕರ ನೇತೃತ್ವದ ನಾವೀನ್ಯತೆ ಯೋಜನೆಗಳು ಮತ್ತು ಉದ್ಯಮಶೀಲತಾ ಉದ್ಯಮಗಳಿಗೆ ಮಾರ್ಗದರ್ಶನ ನೀಡಲು ಅಧ್ಯಾಪಕರ, ಸದಸ್ಯರ ಮತ್ತು ಇನ್‌ಕ್ಯುಬೇಶನ್ ವ್ಯವಸ್ಥಾಪಕರಿಗೆ ಅಗತ್ಯ ಕೌಶಲ್ಯ ಮತ್ತು ಜ್ಞಾನವನ್ನು ನೀಡುವ ಗುರಿಯನ್ನು ಎಫ್‌ಡಿಪಿ ಹೊಂದಿದೆ. ಭಾಗವಹಿಸುವವರು ನವೋದಯ ಪರಿಸರ ವ್ಯವಸ್ಥೆಯ ಅಭಿವೃದ್ಧಿ, ನಾವೀನ್ಯತೆ ನಿರ್ವಹಣೆ, ಬೌದ್ಧಿಕ ಆಸ್ತಿ ಹಕ್ಕುಗಳು, ತಂತ್ರಜ್ಞಾನ ವರ್ಗಾವಣೆ ಮತ್ತು ಉತ್ಪನ್ನ ಅಭಿವೃದ್ಧಿಯ ಬಗ್ಗೆ ಅಮೂಲ್ಯವಾದ ಮಾಹಿತಿಯನ್ನು ಪಡೆಯಲಿದ್ದಾರೆ ಎಂದವರು ವಿವರಿಸಿದರು.
ಸುದ್ದಿಗೋಷ್ಠಿಯಲ್ಲಿ ಪ್ರಮುಖರಾದ ಡಾ.ಅನುಷ್ ಬೇಕಲ್, ಡಾ.ಪ್ರಿಯಾ ಕಾಮತ್, ಹರೀಶ್ ಉಪಸ್ಥಿತರಿದ್ದರು.
