ಎಪಿಡಿ ಪ್ರತಿಷ್ಠಾನ ಹಾಗೂ ಪ್ಲಾಸ್ಟಿಕ್ ಫಿಶರ್ ವತಿಯಿಂದ ಉಳ್ಳಾಲದಲ್ಲಿ ಯಶಸ್ವಿ ಬೀಚ್ ಸ್ವಚ್ಛತಾ ಅಭಿಯಾನ

ಮಂಗಳೂರು: ಪರಿಸರ ಸಂರಕ್ಷಣಾ ಸಂಸ್ಥೆ ಪ್ಲಾಸ್ಟಿಕ್ ಫಿಷರ್ ಸಹಯೋಗದೊಂದಿಗೆ ನಗರದ ಆಂಟಿ ಪೋಲ್ಯೂಷನ್ ಡ್ರೈವ್ ಫೌಂಡೇಶನ್ (ಎಪಿಡಿ ಪ್ರತಿಷ್ಠಾನ), ಪರಿಸರ ಜವಾಬ್ದಾರಿ ಮತ್ತು ಸಮುದಾಯದ ತೊಡಗಿಸಿಕೊಳ್ಳುವಿಕೆಗೆ ತನ್ನ ನಿರಂತರ ಬದ್ಧತೆಯ ಭಾಗವಾಗಿ ಜ.11 ರಂದು ಉಳ್ಳಾಲದಲ್ಲಿ ಬೀಚ್ ಸ್ವಚ್ಛತಾ ಅಭಿಯಾನ ನಡೆಯಿತು.

ಅಭಿಯಾನದಲ್ಲಿ ಸಂತ ಅಲೋಶಿಯಸ್ ಕಾಲೇಜು, ರೋಶನಿ ನಿಲಯ ಮತ್ತು ಸಂತ ಆಗ್ನೆಸ್ ಕಾಲೇಜಿನ ಸ್ನಾತಕೋತ್ತರ ಅಧ್ಯಯನ ಮತ್ತು ಸಂಶೋಧನಾ ಕೇಂದ್ರದ ಐವತ್ತಕ್ಕೂ ಹೆಚ್ಚು ವಿದ್ಯಾರ್ಥಿ ಸ್ವಯಂಸೇವಕರು ಉತ್ಸಾಹದಿಂದ ಪಾಲ್ಗೊಂಡರು. 

ಸಂಯೋಜಿತ ತಂಡಗಳಾಗಿ ಕಾರ್ಯನಿರ್ವಹಿಸಿದ ಸ್ವಯಂಸೇವಕರು ಕರಾವಳಿ ಮತ್ತು ಸುತ್ತಮುತ್ತಲಿನ ಪ್ರದೇಶಗಳನ್ನು ಶುದ್ಧಗೊಳಿಸಿ, ಪ್ಲಾಸ್ಟಿಕ್ ತ್ಯಾಜ್ಯ, ಮುರಿದ ಗಾಜು, ತ್ಯಜಿಸಲಾದ ಚಪ್ಪಲಿಗಳು ಹಾಗೂ ಇತರ ಜೈವಿಕವಾಗಿ ಕುಸಿಯದ ವಸ್ತುಗಳನ್ನು ಒಳಗೊಂಡಂತೆ ಸುಮಾರು 20 ಚೀಲಗಳಷ್ಟು ಕಸವನ್ನು ಸಂಗ್ರಹಿಸಿದರು.

ನದಿ ಪ್ಲಾಸ್ಟಿಕ್ ಮೇಲೆ ಕೇಂದ್ರೀಕರಿಸಿದ ವಿಶ್ವದ ಮೊದಲ ಸಂಸ್ಥೆಯಾದ ಪ್ಲಾಸ್ಟಿಕ್ ಫಿಷರ್ ಈ ಅಭಿಯಾನದಲ್ಲಿ ಸಂಗ್ರಹಿಸಲಾದ ಸಂಪೂರ್ಣ ತ್ಯಾಜ್ಯವನ್ನು ಸ್ವೀಕರಿಸಿತು. ಸಂಗ್ರಹಿತ ವಸ್ತುಗಳನ್ನು ವೈಜ್ಞಾನಿಕವಾಗಿ ವರ್ಗೀಕರಿಸಿ, ಸಾಧ್ಯವಾದಲ್ಲಿ ಜವಾಬ್ದಾರಿಯುತ ವಿಲೇವಾರಿ ಮತ್ತು ಮರುಬಳಕೆ ಪ್ರಕ್ರಿಯೆ ಕೈಗೊಳ್ಳಲಾಗುವುದು.

ಈ ಸಂದರ್ಭದಲ್ಲಿ ಪ್ಲಾಸ್ಟಿಕ್ ಫಿಶರ್‌ನ ಸಿಇಒ ಕಾರ್ಸ್ಟನ್ ಹಿರ್ಷ್, ಮಾರ್ಕೆಟಿಂಗ್ ಮ್ಯಾನೇಜರ್ ಕ್ರಿಸ್ ಲೊಂಬಾರ್ಡಿ ಹಾಗೂ ಓಪಿಎಕ್ಸ್ ಮ್ಯಾನೇಜರ್ ಅರ್ಜುನ್ ನಾಯಕ್, ಸಾಮಾಜಿಕ ಕಾರ್ಯಕರ್ತರಾದ ಕಿಶೋರ್ ಅತ್ತಾವರ್ ಮತ್ತು ಸೂರ್ಯನಾರಾಯಣ, ಉಳ್ಳಾಲ ನಾಗರಿಕ ವೇದಿಕೆಯ ನವೀನ್ ನಾಯಕ್ ಮತ್ತು ಇಮ್ತಿಯಾಜ್ ಅಹಮದ್, ಕರ್ನಾಟಕ ರಕ್ಷಣಾ ವೇದಿಕೆಯ ಫಿರೋಝ್ ಹಾಗೂ ಎಪಿಡಿ ಪ್ರತಿಷ್ಠಾನದ ಸಂಯೋಜಕಿ ಗೀತಾ ಸೂರ್ಯ ಉಪಸ್ಥಿತರಿದ್ದರು.