ಯಶಸ್ವಿ ಉದ್ಯಮಿಯಾಗಲು ಅರ್ಥಿಕ ಪರಿಸ್ಥಿತಿಯೊಂದಿಗೆ, ನೈಪುಣ್ಯತೆ ಹಾಗೂ ಸಮಯದ ಪರಿಕಲ್ಪನೆಯು ಅತ್ಯಗತ್ಯ: ಹರೀಶ್ ಕೆ. ಸುವರ್ಣ

ಮಂಗಳೂರು: ಸಮಾಜದಲ್ಲಿ ಇಂದು ವ್ಯವಸ್ಥಿತವಾಗಿ ಬದುಕಲು ಉದ್ಯೋಗ ಬೇಕೇ ಬೇಕು. ಸ್ವ-ಉದ್ಯೋಗ ಮಾಡಲು ಇಂತಹ ಉತ್ತಮ ಅವಕಾಶ ಸಿಗುವಾಗ ಅದನ್ನು ಉಪಯೋಗಿಸಿಕೊಳ್ಳಬೇಕು ಎಂದು ಕಾರ್ಯಕ್ರಮದ ಉದ್ಘಾಟಕರಾದ ಚಂದ್ರಿಕಾ ಎಸ್. ನಾಯಕ್ ತಿಳಿಸಿದರು. 

ಅವರು ಇಂದು ಕೌಶಲ್ಯಾಭಿವೃದ್ಧಿ ಉದ್ಯಮಶೀಲತೆ ಹಾಗೂ ಜೀವನೋಪಾಯ ಇಲಾಖೆ, ಬೆಂಗಳೂರು. ಕರ್ನಾಟಕ ಉದ್ಯಮಶೀಲತಾಭಿವೃಧಿ ಕೇಂದ್ರ, ಮಂಗಳೂರು, ಮತ್ತು ಯುವವಾಹಿನಿ (ರಿ.) ಮಂಗಳೂರು ಘಟಕ, ಇವರೆಲ್ಲರ ಸಹಕಾರದಲ್ಲಿ ಉರ್ವಸ್ಟೋರ್‌ನ ರಘು ಬಿಲ್ಡಿಂಗ್‌ನ ಸಭಾಂಗಣದಲ್ಲಿ 10 ದಿನಗಳ ಉದ್ಯಮಶೀಲತಾ ಅಭಿವೃದ್ಧಿ ಕಾರ್ಯಕ್ರಮದ ತರಬೇತಿ ಕಾರ್ಯಗಾರ ನಡೆಯಿತು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದ ಮಂಗಳೂರಿನ ಸಿಡಾಕ್‌ನ ಉಪನಿರ್ದೇಶಕ ಶಿವಾನಂದ ಯೆಲಿಗಾರ್ ಅವರು ಶಿಬಿರಾರ್ಥಿಗಳಿಗೆ, ನಾವು ವರ್ಷದಲ್ಲಿ ಇಂತಹ ಹಲವಾರು ಕಾರ್ಯಕ್ರಮವನ್ನು ಅಯೋಜಿಸುತ್ತೇವೆ, ಸ್ವಾವಲಂಬನೆ ಹಾಗೂ ಸ್ವಂತ ಉದ್ಯೋಗದ ಪರಿಕಲ್ಪನೆಯ ನಮ್ಮ ಮೂಲ ಉದ್ದೇಶ, ಈ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸುವ ಎಂದು ಶುಭಕೋರಿದರು. 

ಮುಖ್ಯ ಅತಿಥಿಯಾದ ಯುವವಾಹಿನಿ (ರಿ.) ಮಂಗಳೂರು ಘಟಕದ ಅಧ್ಯಕ್ಷ ಹರೀಶ್ ಕೆ. ಸುವರ್ಣ ಮಾತನಾಡಿ, ಇಂದಿನ ಸಮಾಜದಲ್ಲಿ ಉದ್ಯಮಿಯಾಗಲು ಅರ್ಥಿಕತೆ ಎಷ್ಟು ಮುಖ್ಯವೊ ಸಮಯ ಪ್ರಜ್ಞೆಯೊಂದಿಗೆ ನಮ್ಮಲ್ಲಿ ನೈಪುಣ್ಯತೆಯೂ ಇರಬೇಕು, ಇಂದು ಅಮೆಜಾನ್, ಇನ್ಫೋಸಿಸ್‌ನಂತಹ ಧೈತ್ಯ ಕಂಪೆನಿಗಳು ಸಣ್ಣ ಬಂಡವಾಳದಲ್ಲಿ ಪ್ರಾರಂಭವಾಗಿ, ಹೆಮ್ಮರವಾಗಿ ಬೆಳೆದು, ಅತ್ಯಂತ ಹೆಚ್ಚಿನ ಮಟ್ಟದಲ್ಲಿ ಉದ್ಯೋಗ ಸೃಷ್ಟಿ ಮಾಡಿದೆ. ಸಮಯದ ಮಹತ್ವದೊಂದಿಗೆ ಉತ್ತಮ ಗುಣಮಟ್ಟದ ಉದ್ಯಮದಲ್ಲಿ ನಿಮ್ಮನ್ನು ತೊಡಗಿಸಿಕೊಂಡಲ್ಲಿ ಮುಂದೆ ನೀವು ಹೆಸರಾಂತ ಉದ್ಯಮಿಗಳಾಗಬಹುದು ಎಂದರು. 

ಮಣಿಪಾಲದ ಭಾರತೀಯ ವಿಕಾಸ ಟ್ರಸ್ಟ್‌ನ ವ್ಯವಸ್ಥಾಪಕ ಜೀವನ್ ಕೊಲ್ಯ ಮಾತನಾಡಿ, ಇಂತಹ ಉದ್ಯಮಶೀಲತೆ ಕಾರ್ಯಕ್ರಮ ರೂಪಿಸುವುದ್ದರಿಂದ, ನಾವು ಹೇಗೆ ಯಶಸ್ವಿ ಉದ್ಯಮಿ ಹಾಗಬಹುದು, ಬ್ಯಾಂಕ್‌ಗಳಿಂದ ಹೇಗೆ ಸಾಲ ಸೌಲಭ್ಯಗಳನ್ನು ಪಡೆಯಬಹುದು, ಮಾರುಕಟ್ಟೆಯಲ್ಲಿ ಹಣಕಾಸು ನಿರ್ವಹಣೆ ಹೇಗೆ ಮಾಡಬಹುದು, ಎಂಬುದನ್ನು ತಿಳಿಸಿದರು.

ವೇದಿಕೆಯಲ್ಲಿದ ಸವಿತಾ ಕೋಟ್ಯಾನ್ ಶಿಬಿರಾರ್ಥಿಗಳಿಗೆ ಶುಭ ಕೋರಿದರು.

ಕಾರ್ಯಕ್ರಮದಲ್ಲಿ ಯುವವಾಹಿನಿ (ರಿ.) ಮಂಗಳೂರು ಘಟಕದ ಅಧ್ಯಕ್ಷ ಹರೀಶ್ ಕೆ. ಸುವರ್ಣ, ಕಾರ್ಯದರ್ಶಿ ಉಷಾ, ಉದ್ಯೋಗ ಮತ್ತು ಭವಿಷ್ಯ ನಿರ್ಮಾಣ ನಿರ್ದೇಶಕರಾದ ಸವಿತಾ ಕೋಟ್ಯಾನ್ ಉಪಸ್ಥಿತರಿದ್ದರು.

ಸಿಡಾಕ್ ಸಂಸ್ಥೆಯ ಪ್ರವೀಶಾ ಕುಕ್ಯಾನ್ ನಿರೂಪಿಸಿದರು, ವಿದ್ಯಾ ವಂದಿಸಿದರು.