ದತ್ತಾಂಶ ವಿಜ್ಞಾನ, ಗಣನೆ, ಭದ್ರತೆ: ಸಮ್ಮೇಳನ
ಮುಖ್ಯ ಅತಿಥಿಯಾಗಿ ಜಪಾನ್ನ ಸೋಫಿಯಾ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ಪ್ರೊ.ಟಾಡ್ ಗೊನ್ಸಾಲ್ವಿಸ್ ಭಾಗವಹಿಸಿ, ದತ್ತಾಂಶ ವಿಜ್ಞಾನ, ಗಣನೆ ಮತ್ತು ಭದ್ರತೆಯ ವಿಕಸನಗೊಳ್ಳುತ್ತಿರುವ ಭೂದೃಶ್ಯದ ಕುರಿತು ಅವರು ತಮ್ಮ ದೃಷ್ಟಿಕೋನಗಳನ್ನು ಹಂಚಿಕೊಂಡರು.
ಉದಯೋನ್ಮುಖ ತಾಂತ್ರಿಕ ಸವಾಲುಗಳನ್ನು ಎದುರಿಸುವಲ್ಲಿ ಸಂಶೋಧನೆ, ನಾವೀನ್ಯತೆ ಮತ್ತು ಶೈಕ್ಷಣಿಕ ಸಹಯೋಗದ ಮಹತ್ವವನ್ನು ಅವರು ವಿವರಿಸಿದರು.
ಅಮೆಜಾನ್‌ನ ಸಾಫ್ಟ್‌ವೇರ್ ಅಭಿವೃದ್ಧಿಯ ಹಿರಿಯ ವ್ಯವಸ್ಥಾಪಕ ಡಾ.ಕಪಿಲ್ ತಿವಾರಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿ, ಕಂಪ್ಯೂಟೇಶನಲ್ ತಂತ್ರಜ್ಞಾನಗಳ ಪ್ರಗತಿಯಲ್ಲಿ ಕ್ವಾಂಟಮ್ ಕಂಪ್ಯೂಟಿಂಗ್‌ನ ಮಹತ್ವ ಹಾಗೂ ಕಂಪ್ಯೂಟಿಂಗ್ ಮತ್ತು ಸಂಬಂಧಿತ ವಿಭಾಗಗಳಲ್ಲಿ ಭವಿಷ್ಯದ ಬೆಳವಣಿಗೆಗಳ ಮೇಲೆ ಪ್ರಭಾವ ಬೀರುವ ಅದರವ ಸಾಮರ್ಥ್ಯದ ಕುರಿತು ಚರ್ಚಿಸಿದರು.
ಸಮ್ಮೇಳನದ ಅಧ್ಯಕ್ಷರು ಮತ್ತು ಅತಿಥಿ, ಬೆಂಗಳೂರಿನ ಗ್ಲೋಬಲ್ ಅಕಾಡೆಮಿ ಆಫ್ ಟೆಕ್ನಾಲಜಿಯ ಡೀನ್ ಮತ್ತು ಎಂಜಿನಿಯರಿಂಗ್ ಪ್ರಾಧ್ಯಾಪಕಿ ಡಾ.ಸಮೀಕ್ಷಾ ಶುಕ್ಲಾ ಅವರು ಸಮ್ಮೇಳನದ ಬಗ್ಗೆ ಪ್ರಾಸ್ತಾವಿಕವಾಗಿ ಮಾತನಾಡಿದರು.
ಅಧ್ಯಕ್ಷತೆಯನ್ನು ಅಲೋಶಿಯಸ್ ವಿಶ್ವವಿದ್ಯಾಲಯದ ಕುಲಪತಿ ರೆ. ಡಾ.ಪ್ರವೀಣ್ ಮಾರ್ಟಿಸ್ ಎಸ್.ಜೆ. ವಹಿಸಿದ್ದರು. ಈ ಕಾರ್ಯಕ್ರಮದಲ್ಲಿ ಭಾರತದ ತೇಜಸ್ ವೈಜ್ಞಾನಿಕ ಸಂಶೋಧನಾ ಪ್ರತಿಷ್ಠಾನದ ಜಂಟಿ ಕಾರ್ಯದರ್ಶಿ ಡಾ.ಅಜಯ್ ಮಿಶ್ರಾ ಮತ್ತು ಇಂದೋರ್ನ ಸಿಂಬಿಯೋಸಿಸ್ ಯೂನಿವರ್ಸಿಟಿ ಆಫ್ ಅಪ್ಲೈಡ್ ಸೈನ್ಸಸ್‌ನ ನಿರ್ದೇಶಕಿ ಮತ್ತು ಪ್ರಾಧ್ಯಾಪಕಿ ಡಾ.ಡಿ.ಕೆ.ಮಿಶ್ರಾ ಅವರು ಆನ್‌ಲೈನ್ ಮೋಡ್ ಮೂಲಕ ಭಾಗವಹಿಸಿದ್ದರು.
ಅಸೋಸಿಯೇಟ್ ಡೀನ್ ಡಾ.ಗೀತಾ ಪಿಂಟೊ, ಅಸಿಸ್ಟೆಂಟ್ ಡೀನ್ ಡಾ.ಗ್ಲೆನ್ಸನ್ ಟೋನಿ ಉಪಸ್ಥಿತರಿದ್ದರು.
ಕಾರ್ಯಕ್ರಮ ಸಂಯೋಜಕಿ ಡಾ. ಆರತಿ ಟಿ. ನಿರೂಪಿಸಿದರು ಮತ್ತು ದೇವಿಚಂದ್ರಿಕಾ ಸ್ವಾಗತಿಸಿದರು. ಸ್ಕೂಲ್ ಆಫ್ ಎಂಜಿನಿಯರಿಂಗ್ನ ಡೀನ್ ಡಾ. ಎಸ್. ರೂಬನ್ ವಂದಿಸಿದರು.
