580 ಕೆ.ಜಿ ತೂಕದ ಬೃಹತ್ ಮಡಲ್ ಮೀನು

580 ಕೆ.ಜಿ ತೂಕದ ಬೃಹತ್ ಮಡಲ್ ಮೀನು


ಬೆಳ್ತಂಗಡಿ: ಉಜಿರೆಯ ಮೀನಿನ ಅಂಗಡಿಯೊಂದಕ್ಕೆ ಶುಕ್ರವಾರ 580 ಕೆ.ಜಿ ತೂಕದ ಬೃಹತ್ ಗಾತ್ರದ ಮಡಲ್ ಮೀನು ಬಂದಿದ್ದು, ಇದನ್ನು ನೋಡಲು ಮತ್ತು ಖರೀದಿಸಲು ಜನರು ಭಾರಿ ಸಂಖ್ಯೆಯಲ್ಲಿ ಜಮಾಯಿಸಿದ್ದರು. 

ಅತ್ಯಂತ ರುಚಿಕರ ಹಾಗೂ ಮುಳ್ಳುಗಳಿಲ್ಲದ ಈ ಮೀನನ್ನು ಮಲ್ಪೆ ಬಂದರಿನಿಂದ ತರಲಾಗಿತ್ತು. ಮೀನು ಅತ್ಯಂತ ಬೃಹತ್ ಗಾತ್ರದಲ್ಲಿದ್ದ ಕಾರಣ, ಅದನ್ನು ವಾಹನದಿಂದ ಇಳಿಸಲು ಕ್ರೇನ್ ಬಳಸಲಾಯಿತು. ಉಜಿರೆಗೆ ಇಷ್ಟು ದೊಡ್ಡ ಗಾತ್ರದ ಮೀನು ಬಂದಿರುವುದು ಇದು ನಾಲ್ಕನೇ ಬಾರಿಯಾಗಿದ್ದು, ಸ್ಥಳೀಯವಾಗಿ ಈ ಮೀನಿಗೆ ಭಾರಿ ಬೇಡಿಕೆಯಿದೆ.

ಈ ಮೀನನ್ನು ಪ್ರತಿ ಕೆ.ಜಿ.ಗೆ 350 ರೂ. ದರದಲ್ಲಿ ಮಾರಾಟ ಮಾಡಲಾಗಿದೆ ಎಂದು ಅಂಗಡಿ ಮಾಲಕರು ತಿಳಿಸಿದ್ದಾರೆ.

Ads on article

WhatsApp Image 2024-08-04 at 6.27.41 PM (1)

Advertise in articles 1

advertising articles 2

Advertise under the article