ಪುರಸಭೆಯ ವಾಹನಕ್ಕೆ ಕಸ ನೀಡದವರಿಗೆ ದಂಡ ವಿಧಿಸಿ: ಪುರಸಭಾ ಸಾಮಾನ್ಯ ಸಭೆಯಲ್ಲಿ ಸದಸ್ಯರಿಂದ ಆಗ್ರಹ
ಮೂಡುಬಿದಿರೆ: ಕಸ ಸಂಗ್ರಹ ಮಾಡುವ ಪುರಸಭೆಯ ವಾಹನಕ್ಕೆ ಕಸ ನೀಡದವರಿಗೆ ದಂಡ ವಿಧಿಸುವಂತೆ ಪುರಸಭಾ ಸದಸ್ಯರು ಮಂಗಳವಾರ ನಡೆದ ಸಾಮಾನ್ಯ ಸಭೆಯಲ್ಲಿ ಆಗ್ರಹಿಸಿದ್ದಾರೆ.
ಪುರಸಭಾ ಅಧ್ಯಕ್ಷೆ ಜಯಶ್ರೀ ಕೇಶವ್ ಅವರ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ಸದಸ್ಯರಾದ ಶ್ವೇತಾ ಕುಮಾರಿ, ಸ್ವಾತಿ ಪ್ರಭು, ಪ್ರಸಾದ್ ಕುಮಾರ್, ಅವರು ಮಾತನಾಡಿ, ಪುರಸಭಾ ವ್ಯಾಪ್ತಿಯ ಕೆಲವು ಕಡೆ ರಸ್ತೆ ಬದಿಗಳಲ್ಲಿ ಪ್ಲಾಸ್ಟಿಕ್ ಚೀಲಗಳಲ್ಲಿ ಕಸವನ್ನು ತುಂಬಿಸಿಕೊಂಡು ತಂದು ಬಿಸಾಡಿ ಹೋಗುತ್ತಿದ್ದಾರೆ ಇದರಿಂದಾಗಿ ಪುರಸಭೆ ಕೆಟ್ಟ ಬರುತ್ತದೆ ಈ ಪ್ರದೇಶಗಳಲ್ಲಿ ಸಿಸಿ ಕ್ಯಾಮೆರಾಗಳನ್ನು ಅಳವಡಿಸಿದರೆ ಉತ್ತಮ ಎಂದಾಗ ಸದಸ್ಯ ರಾಜೇಶ್ ನಾಯ್ಕ ಮಾತನಾಡಿ, ಕೆಲವು ಮನೆಯವರು ಮತ್ತು ಫ್ಲ್ಯಾಟ್‌ಗಳಲ್ಲಿ ವಾಸ ಮಾಡುವವರು ಕಸವನ್ನು ವಾಹನಕ್ಕೆ ನೀಡುತ್ತಿಲ್ಲ ಇವರೆಲ್ಲಾ ಕಸವನ್ನು ತಿನ್ನುತ್ತಿದ್ದಾರೆಯೇ ಎಂದು ಪ್ರಶ್ನಿಸಿದ ಅವರು ಇಂತವರೆ ಕಸವನ್ನು ಹೊರಗೆ ಬಿಸಾಡುವುದು ಎಂದಾಗ ಧ್ವನಿ ಗೂಡಿಸಿದ ಹಿರಿಯ ಸದಸ್ಯ ಪಿ.ಕೆ. ಥೋಮಸ್ ವಾಹನಕ್ಕೆ ಕಸ ನೀಡಿದವರಿಗೆ ದಂಡ ವಿಧಿಸುವಂತೆ ಅಧ್ಯಕ್ಷರು ಮತ್ತು ಮುಖ್ಯಾಧಿಕಾರಿ ಅವರಲ್ಲಿ ಆಗ್ರಹಿಸಿದರು.
ಪುರಸಭೆಯು ಪರವಾನಿಗೆ ನೀಡಿರುವ ಮೀನು ಮಾರಾಟದ ಸ್ಟಾಲ್‌ಗೆ ತೆರವುಗೊಳಿಸಲು ನೋಟೀಸ್ ನೀಡಿರುವ ಬಗ್ಗೆ ಸದಸ್ಯ ಪ್ರಸಾದ್ ಕುಮಾರ್ ಪ್ರಶ್ನಿಸಿ ಆಕ್ಷೇಪ ವ್ಯಕ್ತ ಪಡಿಸಿದರು.
ಪುರಸಭೆ ವ್ಯಾಪ್ತಿಯ ಕೆಲವು ಕಡೆ ರಸ್ತೆ ಬದಿಗಳಲ್ಲಿ ಕಾಯ೯ಚರಿಸುತ್ತಿರುವ ಅನಧಿಕೃತ ಮೀನು ಮಾರಾಟ ಸ್ಟಾಲ್‌ಗಳನ್ನು ತೆರವು ಮಾಡುವಂತೆ ಕಳೆದ ವಿಶೇಷ ಸಭೆಯಲ್ಲಿ ಸದಸ್ಯೆ ರೂಪಾ ಸಂತೋಷ್ ಶೆಟ್ಟಿ, ಸುರೇಶ್ ಕೋಟ್ಯಾನ್ ಸಹಿತ ಮೂವರು ಆಗ್ರಹಿಸಿರುವ ಬಗ್ಗೆ ಮುಖ್ಯಾಧಿಕಾರಿ ಇಂದು ಎಂ. ಸಭೆಯ ಗಮನಕ್ಕೆ ತಂದರು.
ಲೋಕೋಪಯೋಗಿ ಇಲಾಖೆ, ಕನಾ೯ಟಕ ಮೀನುಗಾರಿಕಾ ನಿಗಮದ ಪ್ರಮಾಣ ಪತ್ರವನ್ನು ಸದರಿ ಕೌಂಟರ್ ನಡೆಸುವವರು ಪುರಸಭೆಗೆ ಹಾಜರುಪಡಿಸಬೇಕು ಅದರಂತೆ ಕ್ರಮ ಜರುಗಿಸಬೇಕು ಎಂದು ನಿಧ೯ರಿಸಲಾಯಿತು.
ಮೂಡಾದವರು ಕನ್ವಷ೯ನ್ ಆದ ಜಾಗಕ್ಕೆ ಖಾತೆ ನೀಡಲು ವಿವಿಧ ವಲಯಗಳ ಕಾರಣವೊಡ್ಡುವುದರಿಂದ ಜನರಿಗೆ ತೊಂದರೆಯಾಗುತ್ತಿದೆ ಹಾಗಾಗಿ ಮಹಾ ಯೋಜನೆಯ ಜಾರಿಯಾಗುವ ವರೆಗೆ ಪರಿವರ್ತಿತ ಭೂಮಿಗೆ ಖಾತೆ ನೀಡುವ ಅಧಿಕಾರವನ್ನು ಪುರಸಭೆಗೆ ನೀಡುವಂತೆ ಸರ್ಕಾರಕ್ಕೆ ಮನವಿ ಸಲ್ಲಿಸುವುದೆಂದು ನಿಧ೯ರಿಸಲಾಯಿತು.
ಉಪಾಧ್ಯಕ್ಷ ನಾಗರಾಜ ಪೂಜಾರಿ, ಸದಸ್ಯರಾದ ಕೊರಗಪ್ಪ, ಪುರಂದರ ದೇವಾಡಿಗ, ಇಕ್ಬಾಲ್ ಕರೀಂ, ಸುರೇಶ್ ಪ್ರಭು, ಜೊಸ್ಸಿ ಮಿನೇಜಸ್, ಆರೋಗ್ಯ ನಿರೀಕ್ಷಕಿ, ಎಂಜಿನಿಯರ್ ಚರ್ಚೆಯಲ್ಲಿ ಪಾಲ್ಗೊಂಡಿದ್ದರು.
