ರಾಷ್ಟ್ರೀಯ ಸಂಶೋಧನಾ ಕೇಂದ್ರವಾಗಿ ಮಂಜೇಶ್ವರ ಗಿಳಿವಿಂಡು: ಗೋವಿಂದ ಪೈ ಸ್ಮಾರಕ ಟ್ರಸ್ಟ್ ವರ್ಷದ ಸಾಂಸ್ಕೃತಿಕ ಕಾರ್ಯಕ್ರಮ ಉದ್ಘಾಟಿಸಿ ಮೊಯ್ಲಿ ಘೋಷಣೆ
ಅಧ್ಯಕ್ಷತೆ ವಹಿಸಿ ಮಾತನಾಡಿದ ಕವಿ ಡಾ. ರಮಾನಂದ ಬನಾರಿ ಅವರು, ರಾಷ್ಟ್ರದ ಆಡಳಿತ ಸುಧಾರಣೆಯಲಲ್ಲಿಮಹತ್ವದ ಕೆಲಸ ನಡೆಸಿ ಅನುಭವ ಹೊಂದಿರುವ ಮತ್ತು ಸ್ವತಃ ಸಾಹಿತಿಯಾಗಿ ರಾಷ್ಟ್ರಕವಿಯ ಮಹತ್ವ ಅರಿತಿರುವ ವೀರಪ್ಪ ಮೊಯ್ಲಿ ಅವರು ಗೋವಿಂದ ಪೈ ಸ್ಮಾರಕ ಯೋಜನೆ ಕುರಿತು ದೂರದೃಷ್ಟಿಯ ಯೋಜನೆ ಹೊಂದಿದ್ದಾರೆ. ಕವಿ ಜಿ.ಎಸ್. ಶಿವರುದ್ರಪ್ಪ ಅವರು ಕಾವ್ಯದಲ್ಲಿ ತಿಳಿಸಿದಂತೆ ನಾವು ಎಲ್ಲರೂ ತೇರು ಎಳೆಯುವ ಕೆಲಸ ಮಾಡೋಣ ಎಂದು ಕರೆ ನೀಡಿದರು.
ಮಾಸ್ಟರ್ ಪ್ಲಾನ್ ರಚನೆ:
ಮಂಜೇಶ್ವರ ಬ್ಲಾಕ್ ಪಂಚಾಯತ್ ಅಧ್ಯಕ್ಷ ಯು.ಕೆ. ಸೈಫುಲ್ಲಾ ತಂಙಳ್ ಅವರು ಮಾತನಾಡಿ, ಪೈ ಸ್ಮಾರಕ ಸಂಬಂಧಿಸಿ ಅಲ್ಪಾವಧಿ ಹಾಗೂ ದೀರ್ಘಾವಧಿಯ ಕಾರ್ಯಕ್ರಮ ಗಳನ್ನು ಒಳಗೊಂಡಿರುವ ಮಾಸ್ಟರ್ ಪ್ಲಾನ್ ರಚಿಸಬೇಕು ಎಂದು ಸಲಹೆ ನೀಡಿದರು.
ಜಿಲ್ಲಾ ಪಂಚಾಯತ್ ಸದಸ್ಯ ಹರ್ಷಾದ್ ವರ್ಕಾಡಿ ಅವರು ಮಾತನಾಡಿ, ಸಾಹಿತ್ಯ ಕ್ಷೇತ್ರದಲ್ಲಿ ದೀರ್ಘ ಕಾಲ ದುಡಿದಿರುವ ಡಾ.ರಮಾನಂದ ಬನಾರಿ ಅವರಿಗೆ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಒದಗಿಸಲು ವೀರಪ್ಪ ಮೊಯ್ಲಿಯವರು ಪ್ರಯತ್ನಿಸುವಂತೆ ಮನವಿ ಮಾಡಿಕೊಂಡರು.
ಮಂಜೇಶ್ವರ ಗ್ರಾ.ಪಂ. ಅಧ್ಯಕ್ಷ ಬಶೀರ್ ಕನಿಲ ಶುಭಾಶಯ ಕೋರಿದರು.
ತಾಳಮದ್ದಳೆ ಸಂಯೋಜಕ ಸತೀಶ್ ಅಡಪ ಸಂಕಬೈಲು ಅವರನ್ನು ಗೌರವಿಸಲಾಯಿತು. ಟ್ರಸ್ಟ್ ಆಡಳಿತಾಧಿಕಾರಿ ಡಾ.ಉದಯ ಕುಮಾರ್ ಇರ್ವತ್ತೂರು ಕಾರ್ಯಕ್ರಮ ನಿರ್ವಹಿಸಿದರು. ಟ್ರಸ್ಟಿಗಳಾದ ಕೆ. ತೇಜೋಮಯ ಅತಿಥಿಗಳನ್ನು ಗೌರವಿಸಿದರು. ಸುಭಾಶ್ಚಂದ್ರ ಕಣ್ವತೀರ್ಥ ಸ್ವಾಗತಿಸಿದರು. ರತ್ನಾಕರ ಆಳ್ವ ತಲಪಾಡಿ ಪ್ರಾರ್ಥನೆ ಹಾಡಿದರು.
ಸಭೆಯ ಬಳಿಕ ಗೋವಿಂದ ಪೈ ಅವರ 'ಹೆಬ್ಬೆರಳು' ಸಾಹಿತ್ಯ ಆಧರಿಸಿದ 'ಗುರುದಕ್ಷಿಣೆ' ಯಕ್ಷಗಾನ ತಾಳಮದ್ದಳೆ ಪ್ರದರ್ಶನಗೊಂಡಿತು.
