ಮಹಿಳೆಯಿಂದ ಲ್ಯಾಪ್‌ಟಾಪ್ ವಂಚನೆ
ಮಂಗಳೂರು: ಫರೀದಾ ಎಂಬ ಮಹಿಳೆ ನಗರದ ಲ್ಯಾಪ್‌ಟಾಪ್ ಅಂಗಡಿಯೊಂದರಲ್ಲಿ ವಂಚನೆ ಮಾಡಿ, ಬೌನ್ಸ್ ಆದ ಚೆಕ್ ಮತ್ತು ನಕಲಿ ಎನ್‌ಇಎಫ್ಟಿ ರಶೀದಿ ಬಳಸಿ 1.98 ಲಕ್ಷ ರೂ. ಮೌಲ್ಯದ ಲ್ಯಾಪ್‌ಟಾಪ್‌ಗಳನ್ನು ದೋಚಿದ್ದಾರೆ ಎಂದು ಆರೋಪಿಸಲಾಗಿದೆ.
ಮಂಗಳೂರು, ಉಡುಪಿ ಮತ್ತು ಮೂಡುಬಿದಿರೆಯಲ್ಲಿ ಹಲವಾರು ವಂಚನೆ ಪ್ರಕರಣಗಳು ಫರೀದಾ ಮೇಲೆ ದಾಖಲಾಗಿದೆ. ಎಂಪೈರ್ ಮಾಲ್‌ನಲ್ಲಿರುವ ಲ್ಯಾಪ್‌ಟಾಪ್ ಬಜಾರ್ ಅನ್ನು ಗುರಿಯಾಗಿಸಿಕೊಂಡಿದ್ದರು ಎಂದು ಆರೋಪಿಸಲಾಗಿದೆ. ಅವರು ಸುಳ್ಳು ನೆಪದಲ್ಲಿ ಮೂರು ಲ್ಯಾಪ್‌ಟಾಪ್‌ಗಳನ್ನು ಪಡೆದುಕೊಂಡಿದ್ದಾರೆ ಎಂದು ಹೇಳಲಾಗಿದೆ.
ಜೂನ್ ಅಂತ್ಯದ ವೇಳೆಗೆ, ಫರೀದಾ ಅಂಗಡಿಯನ್ನು ಸಂಪರ್ಕಿಸಿ, ಮರುದಿನ ಕತಾರ್‌ಗೆ ಪ್ರಯಾಣಿಸಲಿರುವ ತನ್ನ ಮಗನಿಗೆ ಮ್ಯಾಕ್ಬುಕ್ ಬೇಕು ಎಂದು ಹೇಳಿಕೊಂಡಿದ್ದಾರೆ. ಭಾರತದಲ್ಲಿ ತನ್ನ ಬಳಿ ಹಣವಿಲ್ಲ ಅಥವಾ ಸಕ್ರಿಯ ಬ್ಯಾಂಕ್ ಖಾತೆ ಇಲ್ಲ ಮತ್ತು ಚೆಕ್ ಮೂಲಕ ಪಾವತಿಸುವುದಾಗಿ ಸಿಬ್ಬಂದಿಗೆ ಹೇಳಿದರು. ನಂತರ ಲ್ಯಾಪ್‌ಟಾಪ್ ತೆಗೆದುಕೊಳ್ಳಲು ಒಬ್ಬ ಹುಡುಗನನ್ನು ಕಳುಹಿಸಲಾಯಿತು, ಅವನ ಬಳಿ ಸ್ವಯಂ ನೀಡಿದ ಚೆಕ್ ಇತ್ತು. ಫರೀದಾ ಅಂಗಡಿ ಮಾಲೀಕರೊಂದಿಗೆ ನಿಕಟ ಸಂಬಂಧ ಹೊಂದಿರುವ ಪರಿಚಿತ ಗ್ರಾಹಕ ಎಂದು ಹೇಳಿಕೊಂಡರು . ನಾಲ್ಕನೇ ಶನಿವಾರ - ಬ್ಯಾಂಕ್ ರಜಾದಿನ - ನಡೆದ ಕಾರಣ ಚೆಕ್ ಅನ್ನು ತಕ್ಷಣ ಠೇವಣಿ ಮಾಡಲು ಸಾಧ್ಯವಾಗಲಿಲ್ಲ.
ಸ್ವಲ್ಪ ಸಮಯದ ನಂತರ, ಪರೀದಾ ಮತ್ತೆ ಅಂಗಡಿಯನ್ನು ಸಂಪರ್ಕಿಸಿ ವಿಂಡೋಸ್ ಲ್ಯಾಪ್‌ಟಾಪ್‌ಗಾಗಿ ವಿನಂತಿಸಿದರು. ಅಲ್ಲದೇ ಫರೀದಾ ಓಇಈಖಿ ಮೂಲಕ ಮೊತ್ತವನ್ನು ವರ್ಗಾಯಿಸುವುದಾಗಿ ಭರವಸೆ ನೀಡಿದರು. ಮತ್ತು WhatsApp ಮೂಲಕ ನಕಲಿ ಪಾವತಿ ದೃಢೀಕರಣವನ್ನು ಕಳುಹಿಸಿದರು. ಆರೋಪಿ ಫರೀದಾಳನ್ನು ನಂಬಿ ಅಂಗಡಿಯು ಇನ್ನೂ ಎರಡು ಲ್ಯಾಪ್‌ಟಾಪ್‌ನ್ನು ಹಸ್ತಾಂತರಿಸಿತು.
ಅಂಗಡಿಯವರು ಚೆಕ್ ಬೌನ್ಸ್ ಆಗಿರುವುದು ಮತ್ತು ಓಇಈಖಿ ರಶೀದಿ ನಕಲಿ ಎಂದು ಕಂಡುಕೊಂಡರು. ತಾವು ಮೋಸ ಹೋಗಿರುವುದನ್ನು ಅರಿತುಕೊಂಡ ಅಂಗಡಿಯವರು, ಫರೀದಾ ಅವರನ್ನು ತಕ್ಷಣ ಬಂಧಿಸುವಂತೆ ಒತ್ತಾಯಿಸಿ, ಅವರು ಈ ಪ್ರದೇಶದಲ್ಲಿ ಹಲವಾರು ವರ್ಷಗಳಿಂದ ಇದೇ ರೀತಿಯ ವಂಚನೆಗಳಲ್ಲಿ ಭಾಗಿಯಾಗಿದ್ದಾರೆ ಎಂದು ಹೇಳಿದರು.
