
ಅದ್ವಯ್ ನಿಮಿತ್ ಪೂಜಾರಿಗೆ ಚಿನ್ನದ ಪದಕ
Friday, August 1, 2025
ಮಂಗಳೂರು: ಜುಲೈ 25ರಿಂದ 27ರ ತನಕ ಬೆಂಗಳೂರಿನ ಫೋರ್ಸ್ 1 ಸ್ಕೇಟಿಂಗ್ ರಿಂಕ್ನಲ್ಲಿ ಜರಗಿದ ಗೋಲ್ಡನ್ ಮೊಂಗ್ಖಾನ್ ಅಮೆಚೂರ್ ನೇಷನಲ್ ಮುಯೆ ಥಾಯ್ ಚಾಂಪಿಯನ್ಶಿಪ್ನಲ್ಲಿ ಮಂಗಳೂರು ಕೋಡಿಕಲ್ನ ಅದ್ವಯ್ ನಿಮಿತ್ ಪೂಜಾರಿ ಅವರು 55 ಕೆ.ಜಿ. ವಿಭಾಗದಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ.
ಇವರು ಗ್ರೌಂಡ್ ಬೋರ್ನ್ ಫೈಟ್ ಕ್ಲಬ್ ಆಂಡ್ ಫಿಟ್ನೆಸ್ ಸೆಂಟರ್ನಲ್ಲಿ ಶಿಶಿರ್ ಪೂಜಾರಿ ಅವರಿಂದ ತರಬೇತಿ ಪಡೆದಿದ್ದು, ಚೇತನ್ ಕುಮಾರ್ ಮತ್ತು ಸವಿತಾ ದಂಪತಿಯ ಪುತ್ರ. ಇವರು ತನ್ನ ಪ್ರತಿಸ್ಪರ್ಧಿಯನ್ನು ಟೆಕ್ನಿಕಲ್ ನಾಕೌಟ್ನ ಎರಡನೇ ಸುತ್ತನಲ್ಲಿ ಸೋಲಿಸಿ ಹೊಸ ಚಾಂಪಿಯನ್ ಆದರು. ಇವರು ಈ ಸ್ಪರ್ಧೆಯಲ್ಲಿ ಕರ್ನಾಟಕವನ್ನು ಪ್ರತಿನಿಧಿಸಿದ್ದು, ಇದು ಇವರಿಗೆ ಸಿಗುವ ಮೂರನೆಯ ರಾಷ್ಟ್ರೀಯ ಮಟ್ಟದ ಗೆಲುವು ಆಗಿದೆ.