ಪೆಟ್ರೋಲ್ ಪಂಪಿನ ಶೌಚಾಲಯದಲ್ಲಿ ಅಪರಿಚಿತ ಬಿದ್ದು ಮೃತ್ಯು

ಬಂಟ್ವಾಳ: ಪೆಟ್ರೋಲ್ ಪಂಪಿನಲ್ಲಿರುವ ಶೌಚಾಲಯಕ್ಕೆಂದು ತೆರಳಿದ ಅಪರಿಚಿತ ವ್ಯಕ್ತಿಯೋರ್ವ ಬಿದ್ದು ಮೃತಪಟ್ಟ ಘಟನೆ ಮೆಲ್ಕಾರ್ ಕೆ.ವಿ. ಶೆಣೈ ಪೆಟ್ರೋಲ್ ಪಂಪಿನಲ್ಲಿ ಸಂಭವಿಸಿದೆ. 

ಪೆಟ್ರೋಲ್ ಪಂಪಿಗೆ ಬಂದ ಅಪರಿಚಿತ ವ್ಯಕ್ತಿಯೋರ್ವ ಶೌಚಾಲಯ ಕೇಳಿದ್ದು, ಪಂಪಿನ ಸಿಬ್ಬಂದಿಗಳು ಶೌಚಾಲಯ ಹಿಂಭಾಗದಲ್ಲಿದೆ ಎಂದು ಹೇಳಿದ್ದಾರೆ. ಅಲ್ಲಿಗೆ ತೆರಳಿದ್ದ ಅಪರಿಚಿತ ಪಂಪಿನ ಹಿಂಭಾಗದಲ್ಲಿದ್ದ ಇಲೆಕ್ಟ್ರಿಕ್ ಕೊಠಡಿ ಬಳಿ ಅಂಗಾತ ಬಿದ್ದುಕೊಂಡ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾನೆ. 

ಅಪರಿಚತ ವ್ಯಕ್ತಿ ಒಂದು ವಾರದ ಹಿಂದೆ ಎಲ್ಲಿಂದಲೋ ಬಂದವನು ಮೆಲ್ಕಾರ್ ಪೇಟೆಯಲ್ಲಿ ತಿರುಗಾಡುತ್ತಿದ್ದ ಎನ್ನಲಾಗಿದ್ದು, ಈತ ಅನಾರೋಗ್ಯ ಅಥವಾ ಮದ್ಯಪಾನ ಸೇವನೆ ಮಾಡಿಯೋ ಮೃತಪಟ್ಟಿರಬಹುದೆಂದು ಶಂಕಿಸಲಾಗಿದೆ. ಈ ಬಗ್ಗೆ ಬಂಟ್ವಾಳ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.