ಚಾರ್ಮಾಡಿ ಘಾಟ್‌ನಲ್ಲಿ ಕಾಡಾನೆ ಸಂಚಾರದಿಂದ ಟ್ರಾಫಿ ಜಾಮ್

ಉಜಿರೆ: ಚಾರ್ಮಾಡಿ ಘಾಟಿಯ 2 ಹಾಗೂ 3ನೇ ತಿರುವಿನ ಮಧ್ಯೆ ರಸ್ತೆಯಲ್ಲಿ ಶುಕ್ರವಾರ ರಾತ್ರಿ ಕಾಡಾನೆ ಕಂಡು ಬಂದಿದ್ದು ಸುಮಾರು ಒಂದು ತಾಸಿಗಿಂತ ಅಧಿಕ ಕಾಲ ಟ್ರಾಫಿಕ್ ಜಾಮ್ ಉಂಟಾಯಿತು.

ರಾತ್ರಿ 9.45ರ ಸುಮಾರಿಗೆ ಕಾಡಾನೆ ಮರವನ್ನು ಮುರಿದು ಹಾಕಿ ರಸ್ತೆ ಮಧ್ಯೆ ತಿನ್ನುತ್ತಾ ನಿಂತಿತ್ತು. ಈ ವೇಳೆ ವಾಹನ ಸವಾರರು ಕಾಡಾನೆಯನ್ನು ಅಟ್ಟಲು ಪ್ರಯತ್ನಿಸಿದರು. ಆದರೆ ಕಾಡಾನೆ ಕದಲದೇ ನಿಂತ ಕಾರಣ ಟ್ರಾಫಿಕ್ ಜಾಮ್ ಉಂಟಾಯಿತು. ಕಾಡಾನೆ ಕಂಡು ಬಂದ ಸ್ಥಳದಲ್ಲಿ ಮೊಬೈಲ್ ನೆಟ್ವರ್ಕ್ ಇಲ್ಲದ ಕಾರಣ ಮಾಹಿತಿ ನೀಡಲು ಪರದಾಡಬೇಕಾಯಿತು.