ಹಾಲಿನ ದರ ಏರಿಕೆ-ಡಿ.ಕೆ.ಶಿ. ಕಾಂಗ್ರೆಸ್ ಸರಕಾರ ಜನರ ಸುಲಿಗೆ ಮಾಡಲು ಹೊರಟಿದೆ: ಸತೀಶ್ ಕುಂಪಲ

ಮಂಗಳೂರು: ಕಳೆದ ಮೂರುವರೆ ವರುಷದಲ್ಲಿ ಸಿದ್ಧರಾಮಯ್ಯರವರ ಕಾಂಗ್ರೆಸ್ ಸರಕಾರ ಸ್ವಲ್ಪ ಸ್ವಲ್ಪವಾಗಿ ಬೆಲೆಯೇರಿಕೆಯ ಬರೆಯನ್ನು ಜನರಿಗೆ ಎಳೆದರೆ, ಡಿ.ಕೆ. ಶಿವಕುಮಾರ್ ಹಾಲಿನ ದರವನ್ನು ಏಕಾಏಕಿ 8 ರೂ. ಏರಿಕೆ ಮಾಡುವ ಮೂಲಕ ದೊಡ್ಡ ಬರೆಯನ್ನು ಒಂದೇ ಸಮನೆ ಹಾಕುವುದರೊಂದಿಗೆ ರಾಜ್ಯದ ಜನತೆಗೆ ನವರಾತ್ರಿಯ ಉಡುಗೊರೆ ನೀಡಿದೆ ಎಂದು ಬಿಜೆಪಿಯ ದ.ಕ. ಜಿಲ್ಲಾಧ್ಯಕ್ಷ ಸತೀಶ್ ಕುಂಪಲ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಈ ಸರಕಾರ ಜನರ ನೆಮ್ಮದಿಯನ್ನು ಕೆಡಿಸಿದೆ ಆದರೂ ಮುಖ್ಯಮಂತ್ರಿಗಳು ಭಾವನೆ, ಬದುಕು ಎಂಬ ಪದಗಳನ್ನು ಬಳಸಿ ಮಾತನಾಡುತ್ತಿರುವುದು ಹಾಸ್ಯಸ್ಪದ. ಭಾವನೆಯೇ ಇಲ್ಲದ ಬದುಕಲು ಬಿಡದ ಸುಳ್ಳಿನ ಮತ್ತು ಸುಲಿಗೆ ರಾಜ್ಯ ಕಾಂಗ್ರೆಸ್ ಸರಕಾರದ್ದಾಗಿದೆ ಎಂದು ಕುಂಪಲ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.